معلومات عن مهام ادارة المخازن فى شركات المقاولات

معلومات عن مهام إدارة المخازن فى شركات المقاولات

وانت شغال في المشروع بتحتاج مواد خام تصرفها على المشروع ، ا لمفروض قبل ما تصرف المادة الخام ممكن تكون موجودة وممكن متكونش موجودة، فالمهندس إلي عاوز المواد الخام دي بيعمل طلب شراء للمواد الخام من جوه برنامج المشتريات وتجي إدارة المشتريات تقولك أن المادة الخام دي يا أما موجودة فنعمل بيها طلب صرف من جوه طلب الشراء نفسه وبعد كده أمين المخزن يحمل طلب الصرف ده في إذن_الصرف، ويصرف بيها مواد الخام على المشروع، وبمجرد أنه صرف على المشروع بتتحمل تكلفة المواد الخام على المشروع.

طيب لو المواد الخام مش موجودة ؟؟؟

يبقي خلاص حنحول طلب شراء ده إلي امر للشراء للمورد اللي من خلاله بيبعت لي المواد الخام، ومعاها الفاتورة وبمجرد أن أمين المخزن يعمل بيها إذن إضافة، قيمة المواد الخام دي بتتحمل كتكلفة على المشروع،
بكده قدرت تراقب ‘يه إلي اتصرف على المشروع من المخازن وايه اللي اشتريته من بره.

لو هنلخص موضوع الدورة المستندية للمشتريات فى شركات المقاولات علشان يبقي كلامنا منظم ومفيد يبقي شوف الخطوات دي: 
1 – عند وجود احتياجات او متطلبات سواء مواد خام او آلات أو معدات فى إداره ما أو مشروع فى شركة تقوم هذه الجهة بعمل طلب الشراء موضح به مواصفات (المشتريات) الأصناف المطلوبه وكمياتها.
2- فى هذا الطلب يتم توقيع السلطة المفوضة على طلب الشراء ( مدير الإدارة الراغبة فى الشراء مثلاً ).
3 – يتم تقديم الطلب الى السلطة المصرح لها الموافقه على هذا الطلب ( المدير العام – رئيس القطاع فى الجهات الحكومية ).
4 – بعد الموافقة على طلبية الشراء تأتي المرحلة الثانية أمر التوريد.
5 – يتم توجيه الطلب الى إدارة المشتريات لإعداد عروض الأسعار وعمل أمر التوريد.
6 – تحصل إدارة المشتريات على عروض أسعار من ثلاث جهات مثلا على الأقل، وتختار العرض الأعلى جودة واقل تكلفة.
7 – تحرر إدراة المشتريات أمر توريد لجهة التوريد محدد فية الأصناف والكميات المطلوبة.
8 – مرحلة إذن الإستلام يتم توريد الأصناف طبقاً لأمر التوريد، ويتم استلامها بمعرفة لجنة فحص وإستلام، وتضاف الى المخازن بموجب محاضر الفحص والإستلام فى حال مطابقة الأصناف الموردة لأمر التوريد ومحضر الفحص.
9- تاتى مرحلة فواتير الشراء يتم تحرير الفواتير إرساله الى إدراة الحسابات لعمل استحقاق للمورد لإصدار شيك باسمه بقيمة البضاعة الموردة.
10-يتم تسليم الشيك الى المورد على سركى او على صورة ضوئية.