الفرق بين محاسب الموقع ومحاسب الادارة فى شركات المقاولات

الفرق بين محاسب الموقع ومحاسب الادارة فى شركات المقاولات ومهام كلا منهما

يعني اية محاسب موقع او محاسب الإدارة ؟! 🤔 و هل في الفرق بينهم؟

تعالوا نتعرف على مهام الاتنين

محاسب الموقع:

هو حلقة الوصل بين الإدارة والمشروع هو عين الإدارة بالمشروع.

– فى الشركات الصغيرة والمتوسطة وبعض الشركات الكبرى

– استلام عهدة من الإدارة

– تسجيل مصاريفه اليومية فى كشف العهدة.

– تصفية العهدة كل 15 يوم او كل شهر.

– متابعة المخزون والمراقبة عليه.

– متابعة الأصول بالموقع.

– جرد الاصول والمخزون اخر العام.

– مراجعة مستخلصات مقاولى الباطن ومستخلصات الإيراد بل هو ممكن اللى يقوم باعداد مستخلصات مقاولى الباطن ويشترك فى إعداد مستخلصات الإيراد كمان (متستغربش بتحصل).

– تسليم الرواتب للعمال والموظفين بالمشروع.

– فى بعض الشركات الكبيرة بيكون فيه تخصص أكتر والاختلاف بيكون فى الاتى:

– تسجيل قيود اليومية الخاصة بالمشروع.

– يكون دوره رقابى أكتر على امين المخازن.

– بيكون فيه سيستم بدلا من كشف العهدة، ويتم متابعة رصيده اول باول من الإدارة بدلا من الانتظار لنصف الشهر او اخر الشهر للتصفية.

محاسب الادارة

– دوره رقابى على محاسب الموقع بشكل عام وبيكون اكثر خبرة منه فى الغالب.

– بيستلم ويصفى عهدة محاسب الموقع.

– تسجيل قيود اليومية للشركة ككل (موردين – مستخلصات مقاولين وايراد – مصاريف عمومية وادارية …..الخ).

– متابعة الأصول للشركة ككل واستلام الجرد من محاسب الموقع (ولو فيه قسم للأصول هو بيتولى الموضوع ده تسجيل ومتابعة وحساب الاهلاكات).

– الاشتراك فى الاقفالات لإعداد القوائم المالية (وفى بعض الشركات هو اللى بيقوم بإعدادها أو ع الاقل بيعد ميزان المراجعة لو هيقوم مكتب المراجعة باعدادها).

– فى الشركات الكبيرة لو مفيهاش قسم مراجعة ومحاسب المشروع بيسجل فالتيم بيراجع شغله لو فيه قسم مراجعة بيتولى الامراجعة ككل.

ملاحظات:

– كل شركة ليها نظامها ممكن شركة يكون فيها 2 محاسبين او تلاتة يقسموا العمل بينهم ويقوموا بينهم وده أفيد للمحاسبين من حيث الإلمام بالدورة المحاسبية للنشاط.

– وممكن يكون محاسب وحيد كما فى الشركات الصغيرة وده برضه هيخليه يلم الدنيا.

الشركات الكبيرة هيكون فيها تخصصات وده نظرا لحجم العمل الضخم إلى ماسك موردين وإلى ماسك مقاولين وممكن تلاقى مدير للموردين او للحسابات الدائنة عموما ونفس الكلام لباقى السيكشنات.

أغلب شركات المقاولات مبيكونش فيها مخازن ممكن متلاقيش المخازن إلا فى الشركات الكبرى، وبيكون طبعا الغرض منه خدمة المشاريع والورش والكسارات والخلاطات وليس الغرض منه اعادة البيع.

– قدامى شغل فى شركة مقاولات هيفيدنى ولا أشوف مجال تانى؟🤔

أقولك انت وقعت فى مركز شباب الإفادة شغل ممتع ومتنوع، وفى نظرى إلى يشتغل مقاولات أو فى شركات صناعية يشتغل بسهولة فى اى مجال اخر هتستفيد خبرة كويسة جدا ان شاء الله .

قدامى محاسب موقع اشتغل ولا لا؟☺️

لو أنت حديث تخرج سواء دور محاسب الموقع هيقتصر على العهدة او هتسجل وتشتغل على سيستم ف أنت فى الحالتين مستفيد أنت راجل بتبدأ لسه محتاج خبرة ودايما .

حدد أهدافك والله أنا هقعد كمحاسب موقع سنتين خلال السنتين هلم الدنيا واذاكر واجتهد ولما يجيلى فرصة فى الإدارة فى نفس الشركة او فى شركة اخرى .

لو أنت راجل خبرة هيكون الأولوية طبعا أنك تكون فى الإدارة، طيب لو مفيش إلا محاسب موقع هنا تنظر للمهام اذا تقتصر فقط على عهدة اقولك لا تقبل، إذا المهام زى ما ذكرت فوق فتمشى حالها لفترة حسب خطتك وظروفك مع الاجتهاد والسعى للافضل

خلى فى بالك دائما أن مفيش مكان او بوزيشن هتشتغل فيه إلا وهتستفاد منه.

هتستفاد لو انت فقط قررت ده لازم تطلع من المكان بمعلومات وخبرة